«Amanat» партиясының фракциясы мектептегі білім сапасын көтеру жолында бірқатар ұсыныстарды қарауды сұрады, деп жазады Democrat.kz.
Мәжіліс мінберінде көтерілген мәселеде алда атқарылуға тиіс мынадай жұмыстар тізбегі ұсынылды:
– Мұғалімдердің кәсіби дамуын жаңа сапалық деңгейге көтеру және біліктілік арттыру орталықтарына нәтиже үшін жауапкершілік тетігін бекіту;
– Аттестациямен жұмысқа қабылдау рәсімін қайта қарап, мұғалімнің практикалық шеберлігін бағалайтын кезең енгізу;
– Білім сапасын бағалауда кешенді әрі әділ көрсеткіштер жүйесін енгізу, сондай-ақ білім сапасын тәуелсіз бағалайтын ұлттық зерттеу институтын құру;
– Ауыл мен қала мектептері арасындағы білім сапасының алшақтығын азайтуға бағытталған нақты индикаторлар мен қаржылық тетіктерді бекіту.(Мақаланың өңін өзгертіп, ұрлап, сілтемесіз көшіріп басқан сайтты сотқа беретінімізді ескертеміз!)
