Жамандыққа қимайтын ағалар болады. Мысалы мына Алмат Сақатов ағамызды осындай әрекеттерге қимаймын. Реклама үшін осындай деңгейге түсетіндей не күн туды екен?
Мына жерде әйгілі әртіс оқырмандардан "сіздерді де әйел түнде үйге кіргізбей қойған күндер болды ма? Әрине кіргізбейді, себебі еркектік қуатың жоқ",-деп бүк түсіп далада жатыр.
Пөшақтың проблемасы әр адамның жеке шаруасы емес пе? Алмат ағамыздың өнеріне бір буын тәнті болып өсті. Қартайған шағында мынандай мыжық нәрсесіне менің бетім қызарады. Тау тұлғалар өз биігінде неге қалмайды екен?
Түнде ырза қылмаса күйеуін далаға қуып шығу басқа халықтарда бар шығар. Бірақ, қазақ әйелдері дәл бұндай бассыздыққа бармайды. Ал Алмат Сақатов ағамыздың жарнамасындағы идеология қазақ әйелдерін басқа жаққа итеріп жатыр. Осыны неге ойламайды екен?
Экологиялық ахуал мен химиялық улы азық-түлік белге бедеу салып жатқаны белгілі. Дегенмен, витаминдердің рекламасы үшін барша еркектер қауымының жұмыртқасын жарып беру не мақсат?
Бұндай өнімдердің идеологиялық сипатына мемлекет мән беретін уақыт жетті. Ал, толып жатқан өнімдердің арасында расымен халыққа пайдасы тиіп жатқандары да бар екен.
Өткенде таксиге отырған 70-тен асқан ақсақал аузының суы құрып мақтап келе жатты. Сөйтсем бұндай затқа шалдарға дейін жатып алған екен.
