Білім бюждетін игеру құзіреті аудан әкімдіктеріне беріледі. Бұл жөнінде премьер-министрдің орынбасары Серік Жұманғарин хабарлаған болатын. Осыған орай білім саласының үздік маманы, ардагер ұстаз Өмір Шыныбекұлы өз пікірін білдіріп, Үкімет басшысы Олжас Бектеновке үндеу жасады деп жазады Democrat.kz.
"Білім беруді қаржыландыруды қайтадан облыстық деңгейден аудандық деңгейге беруге мүлдем болмайды.
Аудан әкімдігі үшін мектеп пен бала бақша бар болғаны тегін жұмыс күші (ауданға үлкен дөкей келгенде көше тазалайтын, зал толтыратын), әкімді мақтаған газеттерге мәжбүрлеп жаздыру қайтадан басталады.
Әкімдік қызметкерлерінің туыстары мен таныстары әкімдіктен шалынған бір қоңыраумен-ақ жұмысқа кіретін болады..
Ұрланатын қаржыны айтпағанда...
Үкімет басшысы, Олжас Бектенов мырза, Жұманғаринді тоқтатпасаңыз, енді еңсе түзей бастаған білім саласы тағы тас-талқан болады", дейді ҚР Оқу ағарту министрлігі Қоғамдық кеңесінің төралқа мүшесі Өмір Шыныбекұлы.
