Бизнес тренер, коуч, психолог Ахметбек Нұрсила харам мен халал мәселесіне қатысты пайымды пікірін білдірді деп жазады Democrat.kz.
"Менің, не біздің сенетін нәрсемізге сенбейтіндар ақымақ, топас" "Менікі, біздікі дұрыс, қалғандар адасқан" деген пікірдесіз бе? Оған қандай дәлеліңіз бар?
Сіздің де сеніміңізге, таңдауыңызға жабайы, ақымақ адамды мазақтағандай күле қайратын ұлттар, адамдар бар екенін ұмытпаңыз
Мысалы: "Шошқа арам, денсаулыққа зиян" дейді бір ұлттар, діншілдер. Миллиардтаған адамдардың ол басты тамағы, миллиондап өсіріп, жеп те ұзақ, бақуатты өмір сүріп жатыр
Жылқының етін, ішек-қарын жейтін, қонағына бас тартатын қазаққа Жапондар, Европалықтар түсінбей, тіпті мазақтай қарайды
Арабтар шегірткені, тіпті қорқау қасқыр, шакалды да сүйсініп "Адал" деп жейді
Қытайлар есектің етін де жейді, сүтін де ішеді
Әр халықтың өз қалыптасқан түсінігі, әр діннің өз арам және адал асы бар. Сіз оларды мазақ қылсаңыз, олар сізді мазақ қылады
Өз халқыңыздың асын, дәстүрін сыйлайсыз, ол түсінікті. Бірақ ол басқаларды мазақтап, қорлауға құқық бермейді ғой
КСРО кезінде әскерде болғандар 2 жыл бойы шошқаның етін жедік, аштан өлмейсің ғой, бар тамағында шошанайдың етін қосады"деп жазды Ахметбек Нұрсила.
