Елімізде жаңадан ұсынылған әскерге бару туралы заң жобасына қатысты белсенді ұстаз Сұлтан Сүлеев өз пікірін білдіріп, жазба жариялады деп жазады Democrat.kz.
"Әскерге баратындар өзі қалаған әскери бөлімді таңдауға болады деген заң жобасы дайындалып жатыр.
Бір жағынан қарасаң, логика бар сияқты.
Бірақ армияда болған солдат ретінде, саясатты шашатын саясаттанушы ретінде, еліміздегі коррупцияның жағдайын бір кісідей білетін желі қолданушы (блогер емеспін,сол сөзді ұнатпаймын да) ретінде , жалпы ер адам ретінде осы бастамаға қарсымын.
Солдатқа үйдің қасындағы бөлімде қызмет ету құлаққа кірмейді. Олай болса барлығы өз облысынан кеткісі келмейді.
Алматы облысының ,Жамбыл облысының әскері деген сеператизм басталады. Ақыры осылай бөледі екен,онда тайпа-рулардан құрылатын әскери бөлім ашсын. Найман дивизиясының Матай полкі, немесе Тортуыл полкі. Ары қарай сол Матай полкінің Қаптағай ротасы .Албан дивизиясы да солай кетеді. Қоңырбөрік полкі,Әлмерек бригадасы дегендей.
Ылғи туысқандармен қызмет етсе дедовщина болмайтын шығар деген әлсіз үміт те бар. Бірақ қайдам.
Ағайынды болса да армияда ерегісетін сәттер жетеді.
Алматыдағы әскери бөлімдерде қызмет еткісі келетіндерге қиын болады.
Орын болмай, арты парақорлыққа алып келетіні түсінікті. Немесе орын босасын деп құлақтан тепкіш военкомдар шығады. Универге түсетіндей конкурс.
Сосын. Төркіні жақынның төсегі жиылмайды дегендей. Төсегімді мамам келіп жинайды деген күйдіргілер де пайда болуы мүмкін. Автоматымды папам майлап береді . Нарядқа ағам келіп тұрып береді. Бұл енді менің фантазиям.
Күнде кешке жақын КПП да бешбармақ пати өтетініне сенімдімін. Содан солдаттар жүргені,дизентерия болып. Бір түн үйіме қонып келейінші дегендер ше? Жібермесіңе қоймайды ғой бізде. Ол үйіне барып тыныш ұйықтаса мейлі ғой.Шошаңдап түнімен қыдырып ,ішіп,милицияға түсіп.
Ол біздің облыс емес, неге қорғаймыз деген қисық езулер де шығуы мүмкін, не дай бог ертең сондай күн туса. Жалпы осы.
Армия жершілдік пен рушылдықтың,парақорлықтың орны болмасын десеңдер, құрметті генералдар,мына идеяларыңды гауптвахтаға қамап қойыңдар. ПожизненноІІІ Ал кім идея тастады ,соны шашын тықырлап үш тәулікке губаға.
Өзім Украина,Германияда әскерде болдым. Қайта алыста болған дұрыс деп ойлаймын. Туған жердің қадірін сезіне білесің.
Болашақ солдаттарды шыли өбектей бермеу керек. Бала емес. Жігіттер. Қызметтің қиындығы мен ауыртпалығын көрмей мен сияқты терминатор бола алмайды" деп жазды Сұлтан Сүлеев.
