Сауд Арабиясы Астанада Құран жарыс өткізіп жатыр.
Кешеден бері Астанадағы Бас мешітте ІІ Халықаралық Құран жарысы өтіп жатыр.
Жарысқа 21 мемлекеттен келген қарилар (Құранды жатқа соғатындар) қатысуда. Олардың қатарында Қазақстан, Түркия, Сауд Арабиясы, Мысыр, Бахрейн, Қырғызстан, Марокко, Өзбекстан және басқа да елдердің қарилары бар.
Құран жарыстың Астана қаласының бас имамы отыратын «Әзірет Сұлтанда» емес, Н.Назарбаев салдырды деп айтылатын Бас мешітте өтуінде де гәп бар сияқты. ҚМДБ діни бірлестігіне қарайтын мыңдаған мешіт бір төбе, «Республикалық Бас мешіт» бір төбе боп тұр.
Сондықтан болса керек, биылғы Құран жарысты исламның сәләфизм ағымын ресми дін деп қабылдаған Сауд Арабиясы қаржыландырыпты.
Араб елдері дін исламды саяси мүддеге жетудің құралына ретінде жиі қолданады. Сол үшін қаржы шашады. Астанадағы Құран жарыстың бәйгесіне де әжептеуір ақша бөліпті: бірінші орынға 20 мың, екінші орынға 15 мың, үшінші орындарға 10 мың доллар береді екен.
Ораз ӘЛІМБЕКОВ, журналист.
