"Бибісараға 700 млн теңге ақша емес пе?": Журналист бір ғана шындықты айтты

11 маусым 2026

448

Мақаланы бөлісу
"Бибісараға 700 млн теңге ақша емес пе?": Журналист бір ғана шындықты айтты

Бибісара Асаубаева. Аян Төлеген. Коллаж дереккөзден.

Танымал журналист Аян Төлеген әлеуметтік желіде шахматшы Бибісара Асаубаева төңірегіндегі қаржылық қолдау мәселесіне пікір білдірді, деп жазады Democrat.kz. сайты  Sportbugin.kz.-ке сілтеме жасап. 

Журналистің айтуынша, баспасөз мәслихатында соңғы үш жылда спортшыға түрлі көздер арқылы жалпы көлемі 700 миллион теңгеге жуық қаржылық қолдау көрсетілгені айтылған.

Атап айтқанда, Спортты қолдау қоры арқылы 2024 жылы 64 млн теңге, 2025 жылы 79 млн теңге, ал биылғы жылдың алғашқы жартысында 210 млн теңге бөлінген.

Бұдан бөлек, Асаубаева әлем чемпионы атанғаны үшін 25 млн теңге көлемінде арнайы сыйақы алған. Сондай-ақ шахмат федерациясы тарапынан да қосымша қолдау көрсетіліп жатқаны айтылды.

Осы деректерді келтірген журналист: «700 млн теңге қазір ақша болмай қалды ма?» деп таңданысын жасырмады.

Айта кетейік, бұған дейін Бибісара Асаубаева қаржылық мәселелерге байланысты Қазақстан Президенті Қасым-Жомарт Тоқаевке бейнеүндеу жолдаған.

Барлық жаңалықтар