Журналист Ербол Мәндібек бір апталық тәжірибе жасап көріп, әйелдің бүкіл тірлігін атқарып, шыдай алмағанын жеткізді деп жазады Democrat.kz.
"Айтсам сенбейсіздер. Бір апта әрең шыдадым. Эксперимент ретінде өзімді сынадым. Нақтысын айтайын, бір апта бойы әйелдің
жұмысын істеп көрдім.
Тамақ пісірдім, үй жинадым, ыдыс жудым, балаға сабақ оқыттым, кір жудым, тіпті есігі дамыл таппайтын әжетханаға дейін өзім тазаладым.
Қортындысы мынандай. Егер әйеліңді толық түсінгің келсе бір апта оның жұмысын істеп көр. Шыдай алсаң сен мықтысың, шыдай алмасаң әйелің мықты деген сөз. Мысалы мен шыдай алмадым. Мойындадым.
Құрметті оқырман! Соңғы кезде мені ұсақ-түйек жазасың дейтін кісілер көбейіпті. Осыған байланысты өзімнің пікірімді қалдырайын.
1. Дәретхана мәселесі. Иә, бұл тақырып кішкентай болып көрінуі мүмкін. Бірақ, қоғамдық тұрғыдан алсақ үлкен мәселе. Қымбат ресторандар тап-таза қылып ұстайды. Алайда, көпшілік баратын қарапайым орындар ылғи лас. Кафе, базар, вокзал, асхана деген сияқты. Оның үстіне халықтың арасында "менен кейін боғы сыртына шықса да бәрібір" деген түсінік бар. Туалетке кірген адам шыққан кезде өзі ұялмайтындай артын дұрыс тазалап шықса. Бұл ұсақ тақырып па? Әрине жоқ.
2. Әйел мен еркек қатынасы. Қазақ еркегі әйеліне көмектесуге міндетті. Заман осыған итермелеп тұр. Сүйіп қосылған жан жарын өз қолымен өлтіріп жатқандар жайлы жаңалыққа етіміз үйренді. Бұның басты себебі еркегі әйелін мүлде түсінбейді. Ал әйелді түсіну үшін соның ісін істеп көр. Кемінде бір апта. Сіздердің ойыңызша бұл ұсақ тақырып па? Әрине жоқ.
3. Үлкен саясат жайлы да дәл осындай түсінік керек. Мәселен, депутаттың немесе министрдің орнына бір апта жұмыс істеп көрген адамның ойы өзгереді деп ойлаймын. Жалпы, бір нәрсе туралы айту үшін сол нәрсе жайлы нақты істеп көріңіздер. Менің түсінгенім осы"деп жазды Ербол Мәндібек.
