Танымал журналист Ербол Мәндібек ТикТокта болған сұмдық жағдай туралы жазба жариялады деп жазады Democrat.kz.
"Мынандай дінбұзар шығыпты. Тик-токта қыздарға "бір күндік" неке ұсынып отыр.
"Мен намаз оқимын, дінімізде бір күндік неке деген бар екен, мені ұнатқан қыздар маған келсін, бір түн шиқылдасып-пиқылдасамыз, егер ұнамай жатса талақ айтып кете саламыз",-дейді сабазың.
Еше бүй дит. "Қыздар, мешітке барып мені тілемеңдерш",-деп отыр.
Пәленбай қыз-келіншек пікір жазып тастапты. Арасында таңқалып, таңырқап отырғандары көп. Осындай қояншықтарға заң жоқ па?
Мен үшін еліміздегі ең мықты молда Нұрлан имам. Сол кісінің кеңестері заман талабына сай.
Айналайын қыздар, келіншектер. Болашақ жар туралы немесе жүретін жігіт туралы әркімнен ақыл сұрауды қойыңыздар. Әйтпесе мынандай ақылгөйлердің біреуіне ұрынасыңдар.
Дін деген ойыншық емес. Көркем жеткізу әркімнің қолынан келмейді. Айтпақшы, дінімізде бір күндік неке деген расымен бар ма?" деп жазды Ербол_Мәндібек.
