"Біздегі жемқорлық жойыларына 100% сенімдімін" дейді журналист

30 мамыр 2025

636

"Біздегі жемқорлық жойыларына 100% сенімдімін" дейді журналист

Қазақстанда жемқорлық жойыларына 100% сенімдімін. Тіпті таяу уақытта. Оған екі себеп бар.

Біріншісі цифрландыру. Қазір экономиканың барлық саласы сандық форматқа көшті. Адам араласқан жерде ым-жым, үф-сүф болады. Соны болдырмас үшін цифрлық цивилизацияға өттік. Қағаз ақша ұстап жүрген адам жоқтың қасы. Қағаз тұрмақ ручка ұстамаймыз. Себебі ЕЦП-сы бар елміз. Енді екінші кезең басталады. Цифрландыру дәуірінен еншісін алып жатқан-ЖИ. Жасанды интеллект. Жемқорлық түбіне дәл осы ЖИ жетеді. Жиен-нағашы, құда-сұда деген ұғымнан мақұрым. Әділет пен ашықтық соның сандығында сақталады. Президент Қасым-Жомарт Тоқаев Цифрландыру мен жасанды интеллектті одан сайын игеруге басымдық беріп отыр. Бүгін осы мәселеге тағы тоқталып, үрдісті үздіксіз дамытуды тапсырды. Қазақстан экономикасы болашақта бәйгенің жүйрігіндей шабады. Тұсау болған жемқорлықты Тоқаев тоқтатады. Бұған шүбәсіз сенемін. Бүкіл қызмет автоматтандырылған сайын жемқорлықтың аясы тарыла береді. Светін сөндіріп, есігін жабатын-ЖИ. Осы мақсатта елімізде бірнеше шетелдік университеттің филиалы ашылды. Ең қуатты суперкомпьютерді іске қосу жұмысы басталып кетті. Алдағы уақытта СryptoCity деп аталатын жаңа пилоттық жоба жүзеге асырылады екен. Сөйтіп, криптовалютамен сауда жасай аламыз. Күнделікті өмірімізге дендеп енгендіктен, қалыпты жағдай секілді көрінеді. Бірақ цифрландыру бойынша Қазақстанның Еуразиядағы жетекші елге айналуына мүмкіндік мол. Ербол МӘНДІБЕК, журналист. Фото көрнекілік үшін.