Бұзақылардың фотосын үлкен экраннан көрсететін болды

03 наурыз 2025

503

Мақаланы бөлісу
Бұзақылардың фотосын үлкен экраннан көрсететін болды

Астана әкімдігі бұзақылардың фотосын үлкен экраннан күллі қалаға көрсету туралы шешім қабылдады, деп хабарлайды Democrat.kz Azattyq Rýhy сайтына сілтеме жасап. Әкімдік мәліметінше, елордада вандализммен күресудің жаңа әдістері енгізіліп жатыр. Биіктігі 65 метр болатын Астананың негізгі айналма дөңгелегінде бұзақылық әрекет жасаған адамдардың суреттері көрсетіледі, деп хабарлайды елорда әкімдігінің ресми сайты.
«Бұл әдіс қоғамның назарын қала меншігіндегі мүлікке зиян келтіру мәселесіне аударуға бағытталған. Қалада бұзақылық әрекеттермен және бөтеннің мүлкіне зиян келтірумен күресу бойынша қарқынды жұмыс жалғасуда. Құқық қорғау органдарының қызметкерлері қала басшылығымен бірлесе отырып, осындай құқық бұзушылықтарды анықтауға және алдын алуға бағытталған іс-шараларды белсенді жүргізуде. Вандализмнің алдын алу жұмыстары қалалық прокуратура мен полиция департаментінің үйлестіруімен «Құқық және тәртіп» аясында жүргізіліп жатыр. 2025 жылдың басынан бері бұзақылық жасағаны үшін 25 адам жауапқа тартылды, оның 11-іне айыппұл салынып, 14-і әкімшілік қамауға алынды», - делінген хабарламада.
Елорда әкімдігі өткен жылы бұзақылық жасағаны үшін 350-ге жуық адам жауапқа тартылғанын айтты. Ал бұзақылық жасауәкімшілік және қылмыстық жауапкершілікке әкеп соғады. Мұндай әрекеттер үшін жаза айыппұлдарды, шығынды өтеуді немесе тіпті қамауға алуды қамтуы мүмкін.
Барлық жаңалықтар