Танымал журналист Ербол Мәндібек жаңа Конституцияны қолдап, арнайы рамкалы сурет жасағанын айтып, ал өзін сынап жатқандарды "өз еліне суық" деп, тағы сынға қалды деп жазады Democrat.kz.
"Мен үшін бұл үлкен мәртебе және мақтаныш.
Рамкадағы суретті сынап жатқан бірең-сараң бейбақтар бар. Әрине бұл өз еліне безбүйрек адамның әрекеті.
Солардың аккаунттарына кіріп шықтым. Өздері өзге елдің туымен рамка жасап жарысқан екен. Ал өз еліне келгенде келемеждеп отыр.
Солардың тең жартысы Израильдің туымен рамка іліпті. Тағы бірі Украинаның туымен тұр әлі күнге. Мейлі, халықаралық позиция делік. Бірақ, өз елің үшін осыншалықты суық болатындай не күн туды?
Пайдаң тимесе де зияның тимей тыныш отырсаңшы.
Мысалы мен Жаңа конституцияны жан жүрегіммен қолдаймын.
Мен үшін бұл мақтаныш. Сол сезімді білдіру үшін осы рамканы бір жыл бойы іліп қоямын парақшама. Айналайын қазағым, өз елің үшін, болашағың үшін Жаңа конституцияға мақтанышпен дауыс бер!" деп жазды Ербол Мәндібек.
Журналистің бұл жазбасы көпшілікке ұнай қоймады. Жұрт төмендегідей пікір жазуда:
"Ербол, сен жақсы жігітсің. Бірақ өз әрекетіңе сырт көзбен қарау, критическое мышление деген болу керек. Отанды бәріміз сүйеміз. Бірақ мынауың тым артық екен"
"Жаңа Конституцияны қолдамау немесе сені сынау - өз еліне суық болу, мемлекетке зиянын тигізу болып есептелетін болған ба?"
"Таксист кезіңізді сағынамыз"
