Бірнеше күннен бері қоғам белсендісі Марғұлан Ермағамбетұлы мен блогер Динара Сәтжанның арасында әлеуметтік желіде айтыс жүріп жатыр деп жазады Democrat.kz.
"Даудың басы" блогер Динара Сәтжанның ресейлік пропаганданы жақтайтын кей кісілердің форумын жақтап жазған жазбасынан басталған еді.
Динара Сәтжанның осы жазбасын сынап, ал блогердің өзін кәсіби деңгейі төмен екенін айтқан Марғұлан Ермағамбетұлының сөзі шымбайына батып кетті ме, әйтеуір Динара Сәтжан да тоқтай алмай, түрлі жазба жариялауда.
Марғұланның сыни жазбасына қатысты "Мен туралы жаман нәрсе жазып, әр пікірден ләззат алып отыр ғой.
Сол арқылы өзін биік сезінетін қандай төмен жан.
Кішкентай. Іші күйген. Еркексымақ.
Мүлде ерге тән қасиет емес.
Екебұлан біз әлі кездесеміз .
Бопты сол кезде тағы бір фотоға түсермыз" деп жазды Динара Сәтжан. (Жазба қатесі түзетілмей, сол қалпында берілді)
Блогердің бұл жазбасына кей кісілер қолдау білдіріп, "сенікі жөн" десе, енді бірілері "Динара, өз шамаңды біл" дегенге саятын пікір жазуда.
