ҚР Оқу-ағарту министрлігі Қоғамдық Кеңесінің төралқа мүшесі, Шымкент қаласы Қоғамдық Кеңесінің мүшесі, ардагер ұстаз Өмір Шыныбекұлы вице-президент Ерлан Қаринге үндеу жасады деп жазады Democrat.kz.
Өз үндеуінде Өмір Шыныбекұлы: "Құрметті вице-президент Ерлан Қарин мырза!
Оңтүстіктің білім саласында Мемлекет басшысы Қ.Тоқаевтың саясатына ашық саботаж жасалып жатыр...
Жұмысқа тұру үшін пара алудан бөлек, бюджеттен ұрланған қаржыда есеп жоқ.
Мәселен, Түркістан облысының 7 ауданынан ғана 12 млрд-қа теңге ұрланғаны өткені жылы жарияланды.
Тексерушілердің өздері шошып кетсе керек, өзге аудандар тексерілмей қалды.
Ал Шымкент қаласында мектептерінде 2024 жылы ғана бейнекамералар орнатылып, Шымкент қ. Полиция Департаменті экс-басшысы Қ.Дәлбеков пен Білім Басқармасы экс-басшысы Ж.Тәжиева ОАМ бұрынғы министрі Ғ.Бейсембаевқа көрсеткен болатын.
Өткен жылы Білім Басқармасына бейнекамералар үшін тағы 6 млрд-тан астам қаржы бөлінді.
Түркістан Облысының Білім Басқармасы мен Шымкент Қаласының Білім Басқармасын басқарып отырған қаржыгерлер айыптары ашылып қалған қызметкерлерді бір бірімен "бартер" жасап, алмастыра салатын қулық тапты. Түркістан облысында теріс қылығы әшкере болған қызметкерлер Шымкент қаласына, Шымкент қаласында әшкере болғандар Түркістан облысында қызметке тұрады.
Ерлан Тынымбайұлы! Мынау масқараны тоқтатпасаңыздар оңтүстік халқы шаршады...", - деп жазды.
.
