Еуропалық орталық банкте пайыздық мөлшерлемені тағы көтеру қажеттігі туралы пікір күшейіп келеді. Энергияның қымбаттауы инфляцияны қайта үдетсе, ипотека мен бизнес кредиттерінің құны жоғары деңгейде ұзақ сақталуы мүмкін, деп жазады Democrat.kz.
Еуропалық орталық банктің Басқарушы кеңесінің мүшесі Мартиньш Казакс инфляциямен күресу үшін ақша-кредит саясатын одан әрі қатаңдатуға негіз көбейіп келе жатқанын айтты.
ЕОБ жақында негізгі мөлшерлемені 2,5 пайызға көтерген.
Казакс бұл көрсеткішті міндетті шек ретінде қарастыруға болмайтынын және қажет болса мөлшерлеме одан әрі өсуі мүмкін екенін мәлімдеді.
Еуроаймақта тамыздағы инфляция 3,3 пайыз болған.
Негізгі қауіп — Таяу Шығыстағы жағдайдан кейін мұнай мен жанармай бағасының өсуі басқа тауарлар мен қызметтердің бағасына таралуы.
Егер энергия мен азық-түлік бағасы жалақыдан жылдамырақ өссе, халықтың сатып алу қабілеті төмендеуі мүмкін.
Жоғары пайыздық мөлшерлеме инфляцияны тежеуге көмектескенімен, ипотеканы, тұтынушылық кредитті және бизнеске берілетін қарызды қымбаттатады.
Казакс қазан айындағы отырыста міндетті түрде жаңа өсім болады деп айтқан жоқ, бірақ шешім экономикалық деректерге қарай қабылданатынын атап өтті.
