Діни хиджабын шешкен блогер Ақнұр Әбуназар қазіргі ішкі сезімдері туралы бөлісті деп жазады Democrat.kz.
"Орамалды шешкеніме 4 ай болды. Не өзгерді?
Бұл шешімді қабылдау мен үшін оңай болған жоқ.
Қоғамнан емес, ең алдымен — өз ішімдегі үнімнен қорықтым.
“Орамал таққан кезімдегі мен — босқа кеткен бе?”
“Сенімім әлсіз болғаны ма?”
“Мені бұрын қандай құрметтесе, енді сондай көре ме?”
деген сұрақтар ұзақ мазалады.
Қазір…
Жол ашылып келе жатқанда артқа тартатын бір нәрсе бар —
Жаңа таныстарым, жаңа оқырмандарым:
“Сен бұрын орамал таққансың ғой?!”,
“Қалай сонда шешіп тастадың?”,
“Не себеп болды?”,
деп сынай, таңдана қарайды.
Бірақ мен қазір түсіндім:
Сұрақ оларда емес. Сенім де. Шешім де менде.
Мен ештеңені жоғалтқан жоқпын.
Керісінше, өткеніме де, бүгініме де жауапкершілікпен қарап,
өсу жолымды таңдадым.
Бүгін, шешкеніме 4 ай өткенде, мен мынаны байқадым:
🔹 Ішкі еркіндігім артты – енді біреуге жақсы көріну үшін емес, өзімді естіп, өзімді қабылдау үшін өмір сүріп келем.
🔹 Сынайтындар аз, қызығатындар көп – “Сен өзгергеніңмен әдемілігің де, тереңдігің де жоғалмапты” дейтіндер жиі кездесті.
🔹 Жолым ашылды – менің нағыз энергиям, менің өзіме деген шынайылығым көбейген сайын, жұмысым да, айналамдағылар да өзгерді.
Жоғалтқаным жоқ.
Керісінше, таза, шынайы ӨЗІМДІ таптым.
Бұл пост – орамал шешуге шақыру емес.
Бұл – өзіңді тыңдап көруге шақыру.
Сен қайда жүрсең де, қандай киімде жүрсең де,
ең бастысы – өзіңе адал болсаң болды" деп жазды блогер.
