Имам "жын-шайтанның жолында жүр" деп ДжейЛоны сынады

04 тамыз 2025

1027

Имам "жын-шайтанның жолында жүр" деп ДжейЛоны сынады

Фото: aikyn.kz

Журналист әрі блогер Өркен Кенжебек Instagram парақшасында Дженнифер Лопестің Астанадағы концертінде болған әсерін бөлісті. Ол Джей Лоның 56 жасына қарамастан қуатты энергетикасымен жұртты таңдай қақтырғанын, өзіне ұнайтын «Que Hiciste» әнін шырқағанын айтып, концерттен үлкен әсер алғанын жазды.

Алайда ҚМДБ ұстазы, Жандос Әшімұлы бұған қарсы пікір білдіріп, дінге берік азаматтардың мұндай шоу-бизнестегі адамдарға қызығып, концертке баруын сынға алды. Ол Джей Лоның өмір салтын ислам құндылықтарына қайшы деп бағалап, мұсылман жамағатын дін мен дүниенің ортасында емес, дін жолында болуға шақырды.

«Әспеттеп отырған Джей Лоңызға табынбаймын, табынған да емеспін. Осы жылдың басында умрадан келе жатырмын, группамен барып, умраны аяқтаған соң шұғыл қайту керек болып, билет ауыстырып, группадан бөлек жалғыз қайттым. Айтайын дегенім Мәдина қаласынан Абу дабиға келдім. Абу Даби Астана рейсына топ қазақ тұрмыз кезекте. Көбі көпіріп Джей Лоның кешегі концерті деп тұр. Түсінгенім сол кезде Джей Ло Әмірліктерге келіп концерт берген. Залдың 80 пайызы қазақ болды деп мақтанып тұр біздікілер. Ішінде бір таныс жігіт кездесіп қалды, біраз жыл бұрын умра қажылықта бірге болғанбыз. Ол да арнайы ұшаққа және концертке билет алып келіп қайтып бара жатыр екен. Миыма симайды осындай нәрсе. Бөксесін миллион долларға жасатса шоу бизнестің адамы, қазақша айтқанда жын-шайтанның жолында жүр. Оған таң қалмайм. Бірақ бес парызына бекем деп жүрген діндар жігіттердің пәленбай ақшаға сол миллион долларлық бөксенің иесін көруге барғанын түсіне де, қабылдай да алмаймын. Бір ағамыз арағы бар тойды да, халал тойды да басқарып жүргенін көрген бір ақсақал: “Әй қарағым! Сен не дінмен бол, не жынмен бол!” - деген екен. Ол кісі одан кейін тек халал той басқарып кетті. Қашанға дейін дінмен де, жынмен де бірге бола береміз?...», — деп жазды блогер имам.