Ормуз бұғазы мен Қызыл теңіздегі жағдайға байланысты әлем интернетсіз қалуы мүмкін деп хабарлайды Democrat.kz.
Әлемдік интернет-трафиктің 30%-на дейін қамтамасыз ететін және Еуропа, Азия және Африканы байланыстыратын маңызды суасты кабельдері Ормуз бұғазының астында жатыр.
Егер олар зақымдалса — интернет айтарлықтай баяулауы мүмкін, банктер мен басқа да көптеген қызметтерде үзілістер пайда болады және оларды бірнеше ай бойы жөндеуі мүмкін екен.
Еске салып өтейік, биылғы 28 ақпан күні басталған Иран, Израиль, АҚШ арасындағы соғыс әлі жалғасуда. Салдарынан Ормуз бұғазына да үлкен қауіп төніп тұрғаны бұған дейін де хабарланып келген.
