Ирандағы ең қарапайым басшы ел алдына шықты

05 наурыз 2026

362

Ирандағы ең қарапайым басшы ел алдына шықты

Коллаж: Democrat.kz

Иранның бұрынғы президенті Махмұд Ахмадинежад өзінің қаза болғаны туралы қауесетке нүкте қойды. Әлемжеліде пайда болған видеода экс-президенттің тірі екені көрініп тұр деп жазады Democrat.kz.

АҚШ пен Израильдің Иран аумағына жасаған соққылары шиеленісті күшейткен соңғы күндері Ахмадинежадтың әуе шабуылы кезінде қаза тапқаны жайлы ақпарат кеңінен тарады. Алайда ирандық Telegram-арналарда тараған соңғы видеожазбада Ахмадинежадтың аман-сау екені расталды.

Осыған дейін танымал Iranist Telegram-арнасы Ахмадинежадтың 1 наурыз күні әуе соққысынан қаза тапқаны туралы ақпарат таратқан болатын.

Президенттік мерзімі аяқталғаннан кейін де Махмұд Ахмадинежад ерекше қарапайым өмір сүру стилімен танымал болды. Әлеуметтік желілерде оның ауылда қой бағып жүрген суреттері мен бейнежазбалары тараған еді.

Бұған дейін БАҚ Ахмадинежадтың президент болған кезінде де Теғрандағы президенттік резиденцияға көшпей, қарапайым жатағында тұрғанын, ресми жалақысының басым бөлігін қайырымдылыққа аударғанын жиі жазатын.

Сонымен бірге ол өзін университет оқытушысы ретінде көрсетіп, академиялық қызметін жалғастыруға тырысқан.

Ахмадинежад президенттік қызметтен кеткеннен кейін де саясаттан алыстамай, бірнеше мәрте президент сайлауына қайта қатысуға ниеттенгенімен, Иранның Қамқоршылар кеңесі оның кандидатурасын тіркемей қойған. Алайда ол Иранның ішкі саяси өмірінде әлі күнге дейін белсенді әрі беделді тұлға.

Оның қарапайым тұрмыс салты, ауылдағы өмірі, президент кезінде де мемлекеттік резиденцияға көшпей, шағын үйінде тұрып келгені халықтың ықыласын туғызып, халықаралық БАҚ-та талай рет жазылды