"Жазушылар одағы мені жұмыстан қуып жатыр" деді Елдос Тоқтарбай

08 ақпан 2026

384

Мақаланы бөлісу
"Жазушылар одағы мені жұмыстан қуып жатыр" деді Елдос Тоқтарбай

Фото әлеуметтік желіден.

Конституциядан орыс тілін алып тастауды талап еткен Елдос Тоқтарбай қызметінен қуылғанын айтты деп жазады Democrat.kz. 

Бұл туралы Елдос Тоқтарбай Facebook-парақшасында жазды. 

«Мені Қазақстан Жазушылар одағының төрағасы Мереке Құлкенов Балалар мен жасөспірімдер әдебиеті жанрлық кеңесінің төрағасы қызметінен тіл туралы жазған жазбаларым үшін алып тастапты. Кеңестегі екі әріптесіме «Орнын босатсын!» деп әмір беріпті. Бопты. Кетейік! Анығында, бұл — қоғамдық қызмет, яки бір тиын алмайтын ақысыз-пұлсыз жұмыс», — деп жазған ол.

Жазушылар одағының төрағасы Мереке Құлкенов Ara Media тілшісіне «Елдос Тоқтарбайдың жазбасынан бейхабар» екенін айтты.

«Ондай жиналыс болған жоқ. Жазбасын көрген жоқпын. Бейхабармын. Бүгін менің қолым тимейді. Жиналыс бүгін», — деді ол қысқа қайырып.

Естеріңізге сала кетейік, бұған дейін Жазушылар одағының төрағасы жаңа Конституция жобасын қолдап, орыс тілін «өмір бойы бізбен қатар келе жатқан тіл» деген.

Мереке Құлкенов Жазушылар одағының төрағасы болып тағайындалған сәтте «Жазушылар оппозиция болмауы керек. Оппозиция деген — мемлекет басшысына қарсы шығу деген сөз» деп пікір білдірген.

Барлық жаңалықтар