Белгілі кәсіпкер Сырымбек Тау өзінің парақшасында кей кісілердің түсініксіз әрекеттеріне реніш білдіріп жазба жариялады деп жазады Democrat.kz.
"Бәріне жағу үшін емес — міндетіңді атқару үшін өмір сүр!
Кеше ғана жаңа мешіт аштық. Кей адамдар:
— «Неге спорт алаңын салмайсыңдар?» — деді.
Біз: «Оны он жыл бұрын салғанбыз», — дедік.
Тағы біреулер:
— «Мектеп неге салмайсыңдар?» — деді.
Біз: «Оны екі жыл бұрын салғанбыз», — дедік.
Басқалары:
— «Қоғамға пайдасы бар дүние неге салмайсыңдар?» — деді.
Біз: «Үш жыл бұрын жатақхана салдық», — дедік.
Тағы бірі:
— «Аурухана салмайсыңдар ма?» — деді.
Біз: «Үш-төрт жыл бұрын арнайы балалар орталығын салдық», — дедік.
Тағы біреулер:
— «Өндіріс неге салмайсыңдар, сатып алып сата бермей?» — деді.
Біз: «Бес өндірісіміз бар, алтыншысы жақында іске қосылады», — дедік.
Қарап отырсам, осылай жазатындардың өздері не салып, не істеп жүр екен?
Неге біз біреудің еңбегін бағаламай, кір іздеуді жақсы көріп барамыз?.."деп жазды кәсіпкер.
