Кәсіпкердің жансыз денесі екі күннен кейін табылды

24 ақпан 2025

584

Мақаланы бөлісу
Кәсіпкердің жансыз денесі екі күннен кейін табылды

Павлодарда полицейлер 21 ақпанда жоғалып кеткен 52 жастағы кәсіпкердің денесін тапты. Марқұмның жақындары оның ешқашан ескертпей кетіп қалмағанын айтады. Бұл туралы Stan.kz ақпарат агенттігі хабарайды.

Павлодарлық Асулан Нұрмағамбетов 21 ақпанда Торайғыров 1/3 мекен-жайынан белгісіз бағытта көлігімен кетіп қалған. Содан бері оны ешкім көрмеген. Еріктілердің айтуынша, ер адам бизнеспен айналысады. Оның туыстары ер адамның ешқашан ескертусіз шығып кетпегенін айтады. Полицейлер, еріктілер мен туыстары Асулан Нұрмағамбетовті іздеумен айналысты. “Іздестіру іс-шаралары барысында полиция қызметкерлері бұрын жоғалып кеткен қала тұрғынының мәйітін тапты. Кісі өлтіру бабы бойынша қылмыстық іс қозғалды. Қылмысқа қатысы бар адамды анықтау және ұстау бойынша жедел-іздестіру іс-шаралары жүргізілуде”, - деп хабарлады Павлодар облысының полиция департаменті. Тергеу барысында болған оқиғаның себептері мен мән-жайлары анықталатыны көрсетіледі.
Барлық жаңалықтар