Премьер-министр Олжас Бектенов Үкімет отырысында туристердің жайлы демалуы үшін жағдай жасау, оның ішінде кемпинг инфрақұрылымын дамыту және сервис сапасын арттыру қажеттігін баса айтты деп жазады Democrat.kz.
Үкімет басшысы жазғы демалыс маусымында болатын түрлі мәселелерді айтып: «Туристік маусымның нағыз қызған шағында демалушыларды орналастыру үшін орын тапшылығы қатты байқалады. Көптеген адамдар арнайы жабдықталмаған демалыс орындарын пайдалануға мәжбүр. Өңір әкімдіктері шұғыл түрде шатырлар мен автоүйлерде кемпинг демалысқа арналған тұрақтардың немесе алаңдардың тиісті инфрақұрылымын қамтамасыз етуі қажет», — деп тапсырма берді.
