Ақмола облысында құны 12 млрд теңге болатын «Qazaq Kaolin» тау-кен байыту комбинатының іске қосылуы екі тұрғыдан қарастырылуда: индустриялық жоба ретінде және бұрынғы мемлекеттік қызметшілердің ірі бизнеске қатысу прецеденті ретінде деп жазады Democrat.kz.сайты Kerekemes.kz-ке сілтеме жасап.
Техникалық жағынан кәсіпорын жылына 230 мың тонна шикізатты қайта өңдеуге және байытылған каолин өндіруге бағытталған, бұл өндіруші секторды дамытуға және жұмыс орындарын құруға қосылған үлес болып табылады.
Дегенмен, жобаның меншік құрылымы мен басқару жүйесі капиталдың шығу тегін мемлекеттік бақылау тұрғысынан бірнеше сұрақ тудырады. Компанияның құрылтайшысы Нұрсұлтан Назарбаевтың сыныптасы ретінде танымал Қыдырғали Байбек. Ал бұған дейін Алматы қаласының әкімі және «Nur Otan» партиясы төрағасының бірінші орынбасары лауазымдарын атқарған Бауыржан Байбек 2025 жылдың желтоқсанынан бастап аталған кәсіпорынның директорлар кеңесін басқарды. Бауыржан Байбектің мансабының басым бөлігі мемлекеттік қызметте өткенін ескерсек, отбасылық бизнеске салынған 12 млрд теңге көлеміндегі инвестиция ресми табыс пен нақты активтердің сәйкестігі тұрғысынан жұртшылықтың назарына ілікті.
Бұл жағдай «ескі Қазақстан» өкілдерінің экономикалық процестерге ықпалы туралы пікірталасты жандандыра түсуде.
Деолигархизация бағыты жарияланғанына қарамастан, стратегиялық ресурстар мен ірі өнеркәсіп нысандарын басқару тетіктері көбіне өткен онжылдықтарда елдің жоғары басшылығымен тығыз байланыста болған тұлғалардың қолында қалып отыр.
Бұрынғы шенеуніктердің өз туыстарына тиесілі бизнес-құрылымдарға ауысуы саяси алаңнан тыс қаржылық ықпалды сақтап қалу тәсілі ретінде қарастырылады.
