Атырауға жұмыс сапарымен барған Оқу ағарту министрі Жұлдыз Сүлейменовамен кездесуге БАҚ өкілдері жіберілмеді. Алдын ала баспасөз турының тізіміне енгізілген журналистер 13 сәуірде министрмен кездесе алмаған деп жазады Democrat.kz. сайты "Ақ Жайық" басылымына сілтеме жасап.
Бүгін Атырауда Оқу ағарту министрі Жұлдыз Сүлейменовамен кездесу болады деген хабарлама бойынша жиналған БАҚ өкілдері түсініксіз бір жағдайға тап болды. Министрмен кездесуге тек аймақтық коммуникациялар қызметінің қызметкерлері ғана қатысатыны бүгін ғана белгілі болыпты.
Неліктен жоспар өзгергені белгісіз, себебі бір күн бұрын облыстық білім басқармасының баспасөз қызметі министрдің алдағы сапары туралы хабарлап, БАҚ өкілдері үшін автобус "Атырау-Ақпарат"ЖШС-нің кіреберісінде күтілетінін хабарлаған.
Бағдарламада екі мектеп пен бір балабақшаға бару қарастырылғаны, бірақ ол кезде нақты мекемелер аталмаған.
Журналистермен жиын сағат 10:00-ге белгіленген. БАҚ өкілдері автобуста орын алып, бірақ көп ұзамай оларға салонда тек Аймақтық коммуникациялар қызметінің (РСК) қызметкерлері қалатыны туралы хабарланады. Осыдан кейін журналистер автобустан шығып кетуге мәжбүр болады.
"Ақ Жайық" тілшісі облыстық білім басқармасының баспасөз қызметінен мәселе бойынша түсініктеме сұрайды. Онда Жұлдыз Сүлейменовамен бірге ведомстводан мобилограф келгені түсіндірілген, сондықтан жергілікті журналистердің қатысуы міндетті емес деп саналған. Басқарманың хабарлауынша, министрдің бұл сапарын ақпарат құралдарында жариялауды РСК күштері жүзеге асырады.
Кейін министр сапар аясында А.Жангелдин атындағы мектепке, "Келешек мектебі" мектебіне, сондай-ақ мемлекеттік-жекешелік әріптестік аясында салынған "Дарын" балабақшасына баратыны белгілі болды.
Журналистердің сұрақтары дайындалды. Бірақ министр оларға жауап беруді жоспарламаған- ау, сапар үшін алдын-ала дайындалған бланкілер жеткілікті болған сияқты.
