Білім саласындағы дау өршіп тұр. Халықта бір-ақ сұрақ пайда болды деп жазады Democrat.kz.
Министр Сүлейменова мен депутат Смирнова елді алдап жүр ме, жоқ əлде екеуі бірігіп шындықты жасырып отыр ма?
Жеке мектептерді қаржыландыру жүйесі бұрын-соңды болмаған қиындыққа тап болды. Бұл жолы мəселе жасырын қалған жоқ. Үш айдың ақшасы төленбегені ашықтан-ашық белгілі болды.
Жұлдыз Сүлейменова министр болып келгеннен бірнеше күн өтпей мектеп өкілдері министрлікке жиналды. Сол сəтте мемлекеттік тапсырыс бойынша қаржы тоқтап қалғаны айтылды.
Бірақ министрлік жағдай бақылауда, бəрі шешіледі деп жұртты тыныштандырды. Арада уақыт өтті. Бірақ нəтиже жоқ.
Алғаш дабыл қаққандар — Маңғыстау мұғалімдері. Одан кейін Шымкент. Артынан Алматыдағы қоғам белсенділері жағдайды анық айтты. Қыркүйек жоқ. Қазан жоқ. Қараша да жоқ.
Жүйе тоқтап тұр. Министрлік үнсіз.Сонда да министр мен депутат халыққа бəрі жақсы, мəселе шешілген деп жалған ақпарат беріп келеді.
Смирнованың жазбасы неге күдік тудырды Қаржы жоқ екені анық болғанда бірінші болып желіге жазған — Ирина Смирнова. Ол министрдің бұрынғы əріптесі.
Оның «мəселе шешілді» деген сөзі жұртқа министрді ақтап алуға арналған əрекет болып көрінді.
Ай өтті. Жағдай өзгермеді. Алматыдағы депутат Рафаэль Гасанов жеке мектептерге үш ай бойы бір тиын түспегенін нақты жазып шықты. Жазба лезде тарады.
Сонда кім кімді алдап жүр? Смирнова бұрын жеке білім саласын қатты сынап жүрген. Ал қазір дəл осы саладағы ең үлкен дағдарысты жоққа шығарып отыр.
Оның «уайымдамаңдар, бəрі реттелді» деуі көпшілікке түсініксіз. Бүгінде жеке мектептер ұстаздарының еңбегімен ғана жұмыс істеп тұр. Ата-аналар балаларын ауыстыруға дайындалып жатыр.
Мектеп иелері шығын санап отыр. Ең үлкен сұрақ сол күйі ашық тұр. Халықты кім алдап жүр?
Жауап жоқ. Бірақ салдары бəріне көрініп қалды.
