Астанада оқушыға қол жұмсады деген мұғалім жұмыстан шеттетілді. Оқиға туралы видео кеше әлеуметтік желіде тараған еді. Осы мәселеге байланысты қоғам белсендісі, журналист Оңғар Қабден Оқу ағарту министрі Жұлдыз Сүлейменоваға үндеу жасады деп хабарлайды Democrat.kz.
Оңғар Қабден: "Астанадағы оқушыларды шапалақпен ұрған мұғалімнің видеосын бүкіл әлемжелі жерден жеті қоян тапқандай жарыса салып жатыр екен.
Мен ана мұғалімнің орнында болсам, шапалақпен ұрғанды қойып, итше тепкілейтін едім.
Мектептерде ер мұғалім дегеніңіз қасқалдақтың қанындай. Кілең әйел мұғалімдер. Тіпті, денешынықтыру мен алғашқы әскери даярлықтан әйелдер қауымы сабақ бере бастаған! Бұл дабыл қағарлық жағдай!
Мұғалім мәртебесін көтереміз десек, мына ұстазды кінәлі қылып, сотқа сүйреп, айыппұл салып, кешірім сұратуды қою керек! Видеода көрініп тұр ғой әбден күйіп кеткені. Балалар өздері мазақ қылып, онымен қоймай тығылып видеоға түсіріп, күліп отыр. Керісінше, ана балалардың ата-анасына айыппұл салсын! Ақыры, үйде баласына тәрбие бере алмайды екен, мұғалім ұрып тәрбиелесін!
Ал, мына ұстазды министр Жұлдыз Сүлейменова ханым өзі шығып қорғауы қажет!"деді.
