Мұғалімдерін мазақ еткен оқушылардың видеосы трендке айналған

16 сәуір 2026

1869

Мақаланы бөлісу
Мұғалімдерін мазақ еткен оқушылардың видеосы трендке айналған

Фото видеодан скрин.

Қазіргі таңда әлеуметтік желілерде, соның ішінде TikTok платформасында мұғалімдердің фотосуреттерін пайдалану арқылы фейк аккаунт ашылып, жағымсыз сипаттағы трендтердің таралуы байқалды деп жазады Democrat.kz. сайты 112_Aktau.kz.-ке сілтеме жасап. 

Осы жағдайға байланысты мектеп әкімшілігі тарапынан тексеру жұмыстары жүргізілді. Атап айтқанда, директордың тәрбие жұмысы жөніндегі орынбасары У.Ж. Жарасбаева аталған мәселені толық тексеріп, тиісті ақпаратты анықтады.

Тексеру нәтижелері белгілі болғаннан кейін сынып жетекші, пән мұғалімдері, мектеп психологы және мектеп инспекторының қатысуымен, сондай-ақ оқушылар мен ата-аналарды тарта отырып жиналыс ұйымдастырылды. Жиын барысында жағдай жан-жақты талқыланып, түсіндіру жұмыстары жүргізілді.

Аталған оқушылардың ата-аналары мектепке шақырылып, болған жағдай толық түсіндірілді. Сонымен қатар оқушылармен және ата-аналармен бірлескен тәрбие және түсіндіру жұмыстары жүргізіліп, әлеуметтік желіні дұрыс пайдалану, жеке жауапкершілік пен адамгершілік құндылықтары туралы кеңінен айтылды.

Оқушылар өз әрекеттерін толық мойындап, кешірім сұрау мақсатында бейнеүндеу жолдады.

Мұндай келеңсіз жағдайлардың алдын алу бағытындағы тәрбие жұмыстары алдағы уақытта да жүйелі түрде жүргізілмек. 

Барлық жаңалықтар