2009 жылы сыбайлас жемқорлыққа қатысы бар деген айыппен қамауға алынып, 11 жылдан кейін шартты түрде мерзімінен бұрын бостандыққа шыққан «Қазатомөнеркәсіп» ұлттық уран өндіруші компаниясының бұрынғы басшысы Мұхтар Жәкішевтің қызы тұрмысқа шықты деп жазады Democrat.kz.
Мұхтар Жәкішевтің қызы Алтынай желідегі парақшасында: «Тоғызыншы мамырда Лондондағы әкімдікте жақындарымыздың ортасында некемізді қидық, күн жауын-шашынды болады деген болжамға қарамастан аспан ашық болды, бұл менің ресми түрде ОДжей ханым атанған күнім», — деп жазды.
