"Мұсылмандарды қорлады": Starbucks-ке тағы бойкот жарияланды

20 ақпан 2026

170

Мақаланы бөлісу
"Мұсылмандарды қорлады": Starbucks-ке тағы бойкот жарияланды

Фото интернеттен.

Қазақстанда Рамазан айына орай ұйымдастырылған акцияға байланысты Starbucks төңірегінде дау туды. Наразылыққа акцияның өткізілу уақыты себеп болған. Мұсылман жамағаты Starbucks-тың әрекетін сынға алып, оған бойкот жариялады деп жазады Democrat.kz. 

Желіде «екі сусын — біреуінің бағасымен» форматындағы акцияны сағат 12:00-ден 14:00-ге дейін ұсынылған.

Бұл жазбаны көрген тұтынушылар ауыз бекіткен мұсылмандардың күн батқанға дейін ішіп-жемейтінін ескермеген компанияның әрекетін сынға алды. Нәтижесінде Рамазанға арналып жарияланған акция ораза ұстайтындар үшін қолжетімсіз болып, көпшіліктің наразылығын туғызды.

Көптеген адамдар мұны діни сезімдерді мазақ ету ретінде қабылдағанын айтты. Әлеуметтік желілерде желіні бойкоттауға шақырулар мен мәдени әрі рухани контексті ескеруге үндеген талаптар пайда болды.

Сонымен қатар, көптеген қолданушы Starbucks-тың бірқатар елдерде бұрыннан бойкот тізімінде тұрғанын еске салды: компанияны Израильдің Газа секторындағы палестиндіктерге қарсы әскери әрекеттерін қолдайды деп айыптайды.
Сын күшейгеннен кейін Starbucks парақшасынан жарнамалық жазба өшірілді.

Starbucks бұған дейінде сынға ұшыраған. Өткен жылдың көкек айында тұтынушылар компанияны қызметкерлерінің бір бөлігі қазақ тілін білмейді деп айыптаған.

Барлық жаңалықтар