Қазақстанда көктемгі су тасқыны қаупі жоғары бес аймақ анықталды, деп хабарлайды Democrat.kz.
Синоптиктер наурыз айы жылы әрі жаңбырлы болады деп болжап отыр. Мамандардың айтуынша, жауын-шашын қардың еруін тездетуі мүмкін.
Егер күн күрт жылыса, еріген қар суының деңгейі көтеріліп, қауіп күшейеді. Су тасқынына әсер ететін басты фактор – топырақтың қату тереңдігі. Қазір еліміздің оңтүстігіндегі кейбір аудандарды қоспағанда, жердің басым бөлігі қатып жатыр.
Қауіпті аймақтардың тізімінде Ақмола, Солтүстік Қазақстан, Қарағанды, Шығыс Қазақстан және Абай облыстары тұр. Ал Ұлытау, Жетісу, Қостанай, Батыс Қазақстан және Алматы облыстарында қауіп орташа деңгейде бағаланды. Үлкен судан ең аз қауіп Атырау, Маңғыстау, Қызылорда және Жамбыл облыстарына төніп тұр.
