Бас мүфти «Зекет» қорынан бала-шағасына жалақы берген директорды бас имам қылып тағайындады
Мүфтият маңындағы құпия дереккөздің хабарлауынша, Бас мүфти Наурызбай Өтпенов «Зекет» қорының атышулы экс-директоры Талғат Омаровты Алматыдағы «Нұр» мешітіне бас имам қылып тағайындады.
Бір мезетте 1300 адам құлшылық ете алатын бұл мешіт былтыр күрделі жөндеуден өткен. Ал Талғат Омаровтың жаманаты ол «Зекет» қорын басқарып тұрғанда, яғни 2021 жылы шықты.
Қордың бухгалтерлік құжатында директор Талғат Омаров қызы Әмина Омарова Талғатқызына 252 мың 600 теңге, әйелі Султанова Гулбаршын Мельсовнаға 380 мың теңге, туыс қарындасы Гулер Кәусар Саянқызына 252 мың 600 теңге жалақы тағайындағаны жазылған. Сол кезде қордағы басқа да жемқорлық баспасөзде кеңінен жазылды.
«Балықшы балықшы алыстан таниды» дегендей Талғат Омаровты Бас мүфти Наурызбай Өтпеновпен байланыстырып тұрған тағы бір нәрсе бар.
2010 жылдардың ортасында Наурызбай Өтпенов «Нұр Астана» мешітінің бас имамы болып тұрғанда осы мешіттегі жәшіктен пітір-садақаны қаппен ұрлаған оқиға болды.
Бір қызығы, садақа жәшігінің құлпы бұзылмаған. Мұны мешіттің бас имамы Наурызбай Өтпенов қап-қап ақшаны «жәшіктің ақша салатын саңылауынан шығарып алған сияқты» деп түсіндірген.
Ал ол Бас мүфти болып тұрғанда «Зекет» қорының директоры Талғат Омаровтың туыстарына жалақы жазып қойып жемқорлыққа салынғаны жөнінде тіпті түсінік беруді жөн санамады.
«Қарға қарғаның көзін шұқымайды» ғой... Енді келіп Т.Омаровты білдей бір мешітке бас имам қылып тағайындап отыр.
Ораз ӘЛІМБЕКОВ, журналист.
