"НЗМ-нен қуылған бала ҰБТ-дан қуылған балалардан артық емес" дейді білікті ұстаз

27 мамыр 2025

1081

Мақаланы бөлісу
"НЗМ-нен қуылған бала ҰБТ-дан қуылған балалардан артық емес" дейді білікті ұстаз

Алматыдағы Назарбаев зияткерлік мектебінің 11 сынып оқушысы 23 мамыр күні оқудан шығарылды. Осы мәселеге қатысты бірнеше депутат пен заңгер дабыл қақты деп жазады Democrat.kz.

Әлеуметтік желідегі парақшасында депутат Ирина Смирнова оқудан шығарылған оқушы туралы хабарлап, "Назарбаев зияткерлік мектебі баланың құқығын бұзып отыр" деп мәлімдеп, тиісті органдардың осы мәселеге назар аударуын сұрады. Дәл осындай мәлімдемені заңгер Жангелді Сүлейменов те жасады. Әйтсе де, оқушының оқудан шығарылуына қатысты білікті ұстаз Сұлтан Сүлеев өз пікірін білдіріп, НЗМ оқушысы мен ҰБТ-дан қуылған мыңдаған баланы салыстырды. "Назарбаев зияткерлік мектебінің 11сынып оқушысын сабақ бітуге екі күн қалғанда оқудан шығарып жіберді. Тест тапсыруға телефон алып кірген ,сосын соны көріп қойған мұғалімге жаман сөздер айтқан екен. Шешенсіген неме деген шығар? ҰБТ ге телефон алып кірсе ай-шайыңа қарамай қуып шығады. Ал НЗМ дағы емтихан да ҰБТ сияқты. Себебі олар сол мектептен алған балл бойынша еліміздің кез-келген ЖОО конкурсқа қатыса алады. ҰБТ ға кірмей ақ!!! Олардың емтихан бағалары ҰБТ балдарына конвертация жасалып , конкурсқа жіберіледі. Сабақ оқыған мектебі жаман баға қоймас. Не хило?. Басқа мектептің оқушылары мектебінде бір рет, ҰБТ да екі рет сынақтан өтеді. Ал мыналар олай терлемейді. Енді осы баланы қорғап жатқандар көп екен. Баланың бағын байламау керек дегендей. Ал ҰБТ дан қуылған мыңдаған баланы қайтеміз? Олар да ренжіген шығар ұсталып қалғанына . Бірақ ешкімді боқтамай кетті. Мынау сонда кім, мұғалімге ауыр сөз айтатындай? Депутаттар араласқанына қарағанда тегін емес", - деп жазды Сұлтан Сүлеев. Фото көрнекілік үшін.
Барлық жаңалықтар