Діндар Бекболат Тілеухан кезекті бір сұхбатында жеке өміріне қатысты сөз қозғады деп жазады Democrat.kz.
Үш әйеліне қатысты айтқан Бекболат тілеухан: "Олар мені қызғанбайды деп айта алмаймын. Қызғанады ғой. Үшеуі де мені сүйеді. Олар мені жек көрмейді. Тату ұстауға тырысамын.
Адамзаттың эталоны, идеалы пайғамбардың әйелдері де бір бірінен қызғанды ғой.
Ал кешегі советтік идеологиядан шыққан менің әйелдерім қызғанбайды деп айту өтірік болады. Қызғанады. "Бөрі арығын білдірмес" деген, ішкі проблемаларымыз ғой бұл.
Қайтеміз енді, бұл менің тағдырым ғой. Бірақ бір нәрсені білем, менің полигамды некемнен қазақ зиян көрген жоқ. Тілеухан әулеті зиян көрген жоқ" деді.
