Оманның мемлекеттік инвестициялық қоры Қазақстандағы активтерін көбейтуге қызығушылық танытып отыр. Қор басшысы Solidcore Resources-ке салынған инвестицияны «тек бастамасы» деп атап, тау-кен өндірісі мен энергетиканы перспективалы бағыттар ретінде көрсетті, деп жазады Democrat.kz.
Oman Investment Authority — Оман мемлекетінің негізгі егемен инвестициялық қорларының бірі.
Қор басшысы Абдулсалам Мохаммед Әл-Муршиди Қазақстанға ұзақ мерзімді инвестициялық нарық ретінде қарайтынын айтты.
Омандық тарап тау-кен өнеркәсібі, энергетика, инфрақұрылым және олармен байланысты салалардағы жаңа мүмкіндіктерді зерттеп жатыр.
Оман капиталы бұған дейін Қазақстанда жұмыс істейтін ірі алтын өндіруші Solidcore Resources компаниясына инвестиция салған.
Компанияның өзі де Таяу Шығысты, оның ішінде Оманды, Сауд Арабиясы мен Мысырды болашақтағы кеңею бағыттарының бірі деп қарастырып отыр.
Бұл Қазақстан мен Парсы шығанағы мемлекеттері арасындағы инвестициялық байланыстың дәстүрлі мұнай саласынан тыс бағыттарға таралып келе жатқанын көрсетеді.
