Әлеуметтік желіде Оқу ағарту министрі Жұлдыз Сүлейменованың кезекті ақпараттық видеосындағы үлкен үш қате қызу талғыланып жатыр деп жазады Democrat.kz.
Threads желісін қолданушы Ләззат Нығмет:
"1 тақырыпта 3 қате. Дұрысы: 27 мамыр 31 тамыз ЖҮРГІЗІЛЕДІ.
Білдей Білім министріне мобилографтар сауатты жазса қайтеді? Пост сіздерді қызықтырғанына қуанып отырмын. Себебі ана тілімізге бей-жай қарамауымыз керек.
Сонымен: Күн, ай, жыл жазған кезде дефис (-) қойылмайды. Жүргізілетін болады деген етістік қате. Ең болмаса “жүргізіледі” деп жазуы тиіс.
Ал мағынасына келсек, “Оқушылар 1-сыныпқа 27 мамырдан бастап 31 тамызға дейін қабылданады” немесе “Оқушыларды 1-сыныпқа қабылдау уақыты - 27 мамыр - 31 тамыз. Қалай дегенде де, білім саласы өзі үйрететін ережені өздері жібермегені дұрыс"деп жазды.
Әйтсе де, желі қолданушылар "Өзіңіз бір ашып оқисыз -ау қазақ тіліні?! (-) дефис -ыншы,-інші дегенді білдіреді 27 мамыр деп айтпайсыз,жиырма жетінші мамыр деп айтасыз", "Егер солай болса, онда ұстаздың ең негізгі ережесін бұздың. Ондай қателер үшін екі деген баға қойылмайды және сауатсыз деп айта алмайсыз. Ол Ыбырайдың жолы емес. Ол радикалды тіл саласын меңгерушілер жолы. Өкінішті, осындай ұстаздардың болуы", " Мамырдың 27-сінен тамыздың 31-і деп жазылуы керек"деген сыңайда пікір жазуда.
