Кешелі бері әлеуметтік желіде бірінші сыныпқа баратын баласының құжаттары тиісті платформадан өтпей, жүйкелері жұқарған ата аналар әлеуметтік желіде тоқтаусыз сұрау салып, пікір жазуда деп жазады Democrat.kz.
Threads желісін қолданушылар кеше, яғни мамырдың 26-сы күні түнгі 00-00 сағаттан кейін баласының құжатын тапсыру үшін Oqu платформасына құжаттарды жүктеп, онысы өтпей, әбден ығыр болғандарын айтуда.
"Хабарламаға сәйкес, түнгі он екіден кейін тиісті платформаға баламынң құжаттарын жүктедім. Алайда қаншама уақыт отырып жүктеген құжаттарым жойылып кеткен.
Сөйтсек, 27 мамыр сағат таңғы 09-дан бастап жүктеу керек екен. Енді түкке түсінбей отырмыз. Баланың құжаттарын қайтадан тапсыруымыз керек пе, әлде түндегі жүктеген құжаттар қабылдана ма?" Деген желі қолданушының сұрағына әркім әрқалай жауап беруде.
Бірі қайтадан тапсыру керек десе, енді бірі платформа мектеп таңдау мүмкіндігін көрсетпей отырғанын айтады.
Ал енді келесі бір тарап кешегі түнде Oqu платформасына тест жасалып, сыналғанын алға тартады.
Әзірге мәселеге байланысты платформа тарапынан да, министрлік тарапынан да ресми жауап берілмеді.
