Соңғы күндері Орда.кз сайты мен журналист Гүлнара Бажкеноваға қатысты түрлі ақапарттар тарауда. Осы мәселеге қатысты танымал журналист Диас Нұрақын пікір білдіріп, жазба жариялады деп жазады Democrat.kz.
"Орда.кз сайтын Гүлнара апам өзі-ақ орға итеріп жіберді. 1-2 ай бұрын сайтты сат деп жатыр, қысымға ұшырадым деп шырылдап еді.
Енді не өзіме не өзгеге бермеймін деп былықтырып жатқан сияқты.
Кешегі Мұрат Нұртілеу мен Гаджи Гаджиев қамалды деген ақпараты сол күйі расталмады. “Источнигім железный” деп бетбақтырмай отыр Бажкенова. Источнигін білмеймін но жүйкесі “железный” екен.
Орданың 70 пайыз акциясы Мақсат Ғаниев деген азаматқа тиесілі екен.
Негізгі құрылтайшы «ҚазТАГ»-қа портал редакторы Гүлнара Бажкенова туралы пікір білдіріпті. Серіктесінің селт еткізер жаңалығынан кейін бір жері дір ете қалған шығар, редакция мен өз мүддемді қорғау үшін заңгерлерге жүгінемін депті. Тіпті командировкадан келген бойда Бажкенованы сайт басшылығынан алып тастаймын деп отыр. “Гүлеке, останавись, қатты кетіп бара жатырсың”-деп бірнеше мәрте хат жазып, хабарласыпты.
Бірақ Бажкенова полный игнор жасаған.
-Бажкенова редакциялық ресурсты арсыздықпен өз пайдасына қолданып отырғаны анық.
Ол үшін тек өзінің абыройын ғана емес, өзге де нәрселерді құрбан етуге дайын. Тіпті психологиялық ауытқуы болуы да мүмкін», дейді Мақсат Ғаниев.
Қысқасы, Орда сайты енді бұрынғыдай болмайды.
Контрольный пакет ұстап отырған құрылтайшы Бажкенованы бір жерінен бір теуіп қуып жіберетін сияқты. Тіпті іс қозғап, қудалауы да мүмкін.
Бұлай былықтырғанша сайтты сатып жібергені дұрыс еді. Бір миллион доллар ұсынып жатыр деп пе еді өткенде? Әлде ол да қиялынан құрастырылған хикая ма?
Бәлкім апама внимание немесе витамин жетіспей жүрген шығар? Құс келіп құс кететін мезгіл дегенім ғой" деп жазды Диас Нұрақын.
