"Өз еркіңмен берілмедің" деген бөтен еркек әйелді зорлау үшін үйдің топалаңын шығарған

14 ақпан 2025

3490

Мақаланы бөлісу
"Өз еркіңмен берілмедің" деген бөтен еркек әйелді зорлау үшін үйдің топалаңын шығарған

Астана маңындағы Қосшы ауылында болған сұмдық оқиғаның соты басталды деп жазады Democrat.kz. тілшісі Дина Таңсәрінің әлеуметтік желі парақшасына сілтеме жасап.  Қосшы ауылындағы әпкесі бөпесімен ауруханаға жатып, үйде қалған басқа балаларға қарасуға барған келіншекке түн ортасында белгісіз еркек күш көрсетіп, зорламақ болған.
"Балаларды ұйқыға жатқызып, енді өзім де жатпақ болғанда, есікті бұзып кірген бейтаныс еркек тарпа бас салды. Еліріп, ентіккен еркектен қашып, көрші бөлмеге қаштым. Есікті тоқпақтаған еркек ішке кіруге ұмтылды. Сол сәтте полицияға, күйеуіме хабарласып үлгердім. Есікті бұзып ішке кірген еркек басымды ұрып, жарды. "Өз еркіңмен беріле салсаң, бұлай болмас еді" деп зорламаққа ұмтылды. Күйеуім келіп үлгермегенде..." деген жәбірленуші келіншек енді әділдікке қол жеткізе алмай жүр.
Біреудің үйіне әйел зорлау үшін кіріп барған еркек жақын маңдағы көрші екен. Бұл іс бойынша қазіргі кезде Қосыш қалалық сотында процесс басталған. Алайда іс тек бөтеннің үйіне заңсыз кіру бойынша қаралуда. Зорлық жасауға ұмтылу, күш көрсету, қорқыту бойынша іс қозғалуы үшін түрлі сараптама, дәлелдер қажет. Фото көрнекілік үшін.
Барлық жаңалықтар