"Педкеңес-қияметің қыл көпірі": Мұғалімдер "терлейтін" жиналыстар өтуде

06 қаңтар 2026

1542

"Педкеңес-қияметің қыл көпірі": Мұғалімдер "терлейтін" жиналыстар өтуде

Фото интернеттен.

Биылғы оқу жылының жартысын аяқтап, жүктерінен біраз жеңілдеген ұстаздарымыздың ендігі мазасын алатын "сынақ" педкеңесте күтіп тұр. Жартыжылдық қорытынды есеппен басшы мен әріптестерінің арасында өтетін педкеңес - кей мұғалімге қияметтің қыл көпіріндей екен деп жазады Democrat.kz.

Әлеуметтік желіде педкеңеске "дайындық" жасап жатқан кей ұстаздар "неге сенің сабағыңнан оқушы "үштік" бағаға шықты?" деген сұраққа жауап іздеуде.

"Тек менің сабағымнан “3-ке” шыққан оқушыларым үшін ертең педкеңесте "не айтсам болады" деп ойланып жатырмын.Оқымады, өз бағасы десең, "значит" сен ғана оқыта алмадың" дейін деп тұр ғой"деп жазған педагогтың жазбасына әріптестері "қыл көпірден аман өткізуі мүмкін" ақылдарын айтып, ал кейбірі пікірін білдіруде.

Төменде қазақстандық ұстаздардың педкеңестегі жағдайын сипаттау арқылы еліміздегі білім берудегі бағалау стандартын көрсететін пікірлерді назарларыңызға ұсынып отырмыз...

"Неге біздің оқу жүйемізде “тұлғалық жүйе” қалыптаспаған екен? Мысалы 1 бала яғни тұлға бірдей математикаға және әдебиетке жақсы бола алмайды ғой. Творчестволық адам қызығушылығы бөлек, есеп қисаптың адамы бөлек. Әр баланың өз қызығушылығы бар, соған қарай сүйреуге болады ғой. Баладан барлығын бірдей "5" ке алып жүруін талап етпей?"

"Сіз бағаны оқушыға емес, өзіңізге қойғансыз деп басталады ғой"

"Ой, бір сөйтіп қырыласың. Мен оқытпадым емес, басқа мұғалімдер бағаны ойдан қоя береді. Анау дым ұқпайды. Қалай басқа сабақтан "4"-"5" шықты деп. Сосын. Келесі тоқсан "уже желание" болмайды. Сосын сенде "қойшы" деп "4" қоя саласың. Менде де болған, түсінбеймін, қалай "4"шықты басқа сабақ "прям никак" анау әріптер оқып қазақ тілі әдебиеті "4". Сосын завучтарға айтсам, сен маманы емессің деп..."

"Артық жұмыс жасағысы келмей "4" қойып бере салады мұғалімдер,сол мұғалімдер құртады бәрін"

"Жеке мектепте. Басқаша. Анда әңгіме артық жұмыста емес. Біздің завучқа баға керек оқушылардан бұрын. Оқушымен жұмыс жасалып жатыр. Деген сияқты. Сол "3"қойсақ Гүлшара апай(Завуч) бірінші: неге қойдың деп шығатын. Қосымша тапсырма бер "үйт бүйт" "4"ке шығар деп"

"До того" кругозоры тар ма, мысалы менің балам математика, ағылшын, орыс тілі күшті да, қазақ тілі мен әдебиеті өте нашар, оған ренжудің не керегі бар"

"Бжб/тжб баллына қарап шығардым деген вариант бар нетсе"...

"Деңгейі 4-ке жетпейді, тоқсан бойы "оқы" деп зарладым, тыңдамады. Аздап еңбектенсе, соны есепке алып, бағасын көтеріп берер едім, бірақ ол да жоқ" деп айту керек"

"Ең "позорный" зат, ата-анасы уже анау 3-ті көріп қойған соң, ертесінен 4-ке түзеткен кездерім... осыдан кейін сыйламай ақ қойыңдаршы мені деп өзім сұрайтын шығармын. Білмейм, бір жағынан жүйкеңді құртқың келмейді, қоя салайыншы деп, бір жағынан құрттап кетесің ғой бір күні пасық тірліктен".

"Бала оқымаса,оған ұрса алмасаң неге оған лайық бағаны қоймасқа? даусың 1дцб көтерілсе,әке-шешесі жұтып қоятын балаға неге оқымағаны үшін баға көтермелеу керек?"

"Негізі бағасы "2", көтермелеп "3" қойдым" дей салыңыз...

P.S. Аз ғана педагогтың осынау пікір, жазбасынан-ақ біздегі білімді бағалау стандартының "көзбояушылыққа" құрылғанын байқау қиын ба? Оқымаған балаға бағаны "әлдекімнің әмірімен" қойып жатқан мұғалімге емес, бұл жерде төбеден төніп, соны талап етіп отырғандарға "тоқтат!"дейтін уақыт келмеді ме, қалай ойлайсыз?

Дайындаған Мәриям КЕНЕСАРЫ.