Астанада өтіп жатқан Өңірлік экологиялық саммитте Қасым-Жомарт Тоқаев маңызды сөз сөйледі деп жазады Democrat.kz. Ақордаға сілтеме жасап.
«Елдеріміз тұтас экожүйеде өмір сүреді. Өзен-көлдер де, табиғи ландшафттар да, климаттың қауіп-қатерлері де баршамызға ортақ. Ең бастысы, жауапкершілікті теңдей бөлісеміз.
Орталық Азия мен көршілес аймақтар ұқсас экологиялық сын-қатерлерге тап келді. Атап айтқанда:
✔️ су тапшылығы мен су ресурстарын тиімсіз басқару;
✔️ шөлейттену;
✔️ мұздықтардың еруі;
✔️ ауаның ластануы;
✔️ биоалуантүрліліктің жойылу қаупі.
Мен ең негізгі сын-қатерлер мен проблемалардың мәнін ашып, әдейі түстеп отырмын. Өйткені күш жұмылдыру арқылы аталған мәселелерді шешуде оң нәтижеге жетеміз. Бұған кәміл сенемін.
Жетістіктерге тоқмейілсіп отыратын заман өтті, шешім қабылдайтын уақыт келді».- деді Президент.
