«Қамалды» деген Гаджи Гаджиев туралы белгілі журналист Ораз Әлімбеков тың дерек жариялады деп жазады Democrat.kz.
"Қамалды" деген Гаджи Гаджиев бүгін кешке Алматыдан Астанаға ұшып кетті
Шетелде отырып алып, «Сыртқы істер министрі Мұрат Нұртілеу мен Гаджи Гаджиев ұсталды» деп ақпарат таратқан Гульнара Бажкенованың сөз өтірік сияқты.
Кешке Алматы әуежайында жүр едім, әуежайдың VIP залынан Гаджи Гаджиевті көріп қалдым. Түріне қарасам, Гаджидің көзінен әлдебір қобалжу, қорқыныш байқалмады.
Сәл кейінірек сол жаққа тағы көз тастадым, Алматы облысынан сайланған Мәжіліс депутаты Данияр Қасқарауовтың сұлбасын байқадым. Дәл сол ма, әлде Қасқарауовқа ұқсайтын басқа адам ба, алыстан жыға танымадым.
Ал Алматыдан Астанаға бүгін кешке ұшып бара жатқан Г.Гаджиев екеніне 100 пайыз сенімдімін. Сонда журналист Гүльнара Бажкеноваға Ақорда жақтағы дереккөзі жалған мәлімет берген бе, әлде журналист арқылы осындай жалған мәлімет таратудың басқа бір түпкі мақсаты болды ма екен?!"деп жазды Ораз Әлімбеков.
