Қарасайлық оқушы мұғалімін сабап, ұстаз ауыр жарақат алды

12 мамыр 2026

549

Мақаланы бөлісу
Қарасайлық оқушы мұғалімін сабап, ұстаз ауыр жарақат алды

"Жаңа қазақ" мектебі. Фото видеодан скрин.

Қарасай ауданындағы «Жаңа қазақ» орта мектебінде мұғалім мен оқушы арасындағы жанжалға байланысты резонансты оқиға тіркелді. Оқу орны аумағында болған жағдай барысында оқушының педагогқа қол көтергені айтылып отыр деп жазады Democrat.kz. сайты Qaz365.media-ға сілтеме жасап.

Мұғалімдердің дерегінше, оқиға кезекші мұғалімнің жоғары сынып оқушысына сабақ уақытында мектептен шығуға рұқсат бермеуінен кейін туындаған. Салдарынан педагог ауыр жарақат алып, әлі күнге дейін толық сауығып үлгермеген.

Сонымен қатар мектеп ұжымы әкімшілік тарапынан жүйелі қысым көрсетілгенін мәлімдейді. Олардың айтуынша, қызметкерлер еңбек демалысы кезінде жұмысқа шақырылып, кабинеттерді өз қаражатына жөндеуге мәжбүр болған. Кез келген келіспеушілік дөрекі қарым-қатынас пен психологиялық қысыммен ұласқанын да алға тартады.

Педагогтар тек оқиғаға қатысы бар оқушыға шара қолдануды емес, сонымен бірге мектеп басшылығына қатысты жан-жақты тексеру жүргізуді талап етіп отыр. Арызда Еңбек кодексі мен «Педагог мәртебесі туралы» заңның бұзылуы және ықтимал қаржылық заңбұзушылықтар туралы да көрсетілген. Мұғалімдер жағдайға прокуратура, білім басқармасы және сыбайлас жемқорлыққа қарсы қызметтің араласуын сұрайды.

Барлық жаңалықтар