Оратор, сахна адамы Қуаныш Жұмабаев "баланы мәжбүрлемеу керек" деп сынға қалды деп жазады Democrat.kz.
"Мен балаларымды басқаша тәрбиелеймін…
Қазақша сөйлеуге мәжбүрлемеймін.
Кешкі 10-нан кейін жатқызуға тырыспаймын.
Сабаққа барғысы келмесе, “бармай-ақ қой” деймін.
Неге?
Өйткені мен үшін бала — жеке тұлға.
Оның да таңдауы, пікірі, шаршаған сәті, шекарасы бар.
Мен оған сенемін. Мен оның өз өмірін өзі басқаруға құқылы екенін мойындаймын.
«Бала үндемей отыру керек» деген түсінікпен өскен ұрпақ — қазір эмоциясын білдіре алмай жүрген ересектер.
Мен сол шеңберді бұзғым келеді.
Менің мақсатым — тыңдай білетін, сенетін, жаны еркін, психикасы сау бала өсіру.
Тәртіп арқылы емес — түсіністік арқылы.
Ал сіздің балаңызбен соңғы рет ашық, шын әңгіме қашан болды?..
Бала тәрбиесінде ең маңыздысы не деп ойлайсыз?.." деп жазды Қуаныш Жұмабаев.
