Қазақстанның мұнай өңдеу зауыттары 2026 жылдың басынан бері Ресейге АИ-92 бензинін экспорттамаған. Энергетика министрлігі сыртқы нарыққа жанармай тек елдің ішкі қажеттілігі толық қамтамасыз етілген жағдайда ғана жіберілетінін мәлімдеді, деп жазады Democrat.kz.
Қазақстан Энергетика министрлігі соңғы күндері талқыланып жүрген бензин экспортына қатысты түсініктеме берді.
Ведомствоның мәліметінше, 2026 жылы қазақстандық мұнай өңдеу зауыттарынан Ресейге АИ-92 бензині жөнелтілмеген.
Министрлік экспорт халықаралық келісімдер болған жағдайда және ең алдымен ішкі нарық толық қамтамасыз етілсе ғана жүзеге асырылатынын атап өтті.
Тамыздың соңында Reuters салалық дереккөздерге сүйеніп, Қазақстанның ірі зауыттары Ресейге арналған шілде–тамыз экспорт квоталарын пайдаланбағанын хабарлаған болатын.
Бұл тақырып Ресейдегі мұнай өңдеу инфрақұрылымына жасалған шабуылдар аясында өзекті болып отыр. Көрші елде жанармай балансы қиындаған жағдайда Қазақстаннан жеткізілім мәселесі қайта көтерілуі мүмкін.
Дегенмен қазақстандық билік ішкі нарықтағы жанармай тапшылығына жол бермеу негізгі басымдық екенін айтып отыр.
