19 қыркүйекте әлем бойынша Apple-дің жаңа өнімі — iPhone 17 сатылымға шығады. Бір апта бұрын алдын ала тапсырыс қабылдау басталады. Жаңа серияға: iPhone 17, iPhone 17 Air, iPhone 17 Pro және iPhone 17 Pro Max кіреді. Ең басты жаңалық — небәрі 5,6 мм қалыңдығы бар iPhone 17 Air, ол тарихтағы ең жұқа смартфон деп аталды. Finprom зерттеуін назарларыңызға ұсынайық.
Бағасы қанша тұрады?
-
Ең арзан нұсқа (128 ГБ) — 799 доллар ≈ 429,1 мың теңге.
-
iPhone 17 Air (256 ГБ–1 ТБ) — 590–805 мың теңге.
-
iPhone 17 Pro Max (1 ТБ) — 912,4 мың теңге (≈ 1,7 мың доллар).
Бұл бағалар ресми, яғни ритейлер үстемесінсіз. Қазақстандағы алғашқы апталарда құны 2 млн теңгеге дейін жетуі мүмкін.
Қазақстандағы iPhone индексі
Numbeo.com дерегіне сүйенсек, Қазақстан iPhone 17 индексі бойынша әлемде 82-орында. Жаңа смартфон алу үшін орташа есеппен 37 жұмыс күні немесе 1,7 айлық жалақы қажет.
-
Орташа айлық жалақы (нетто): 286,4 мың теңге.
-
Номиналды жалақы (Бюро статистикасы): 448,6 мың теңге.
-
Егер осы номиналды жалақыны алсақ, iPhone 17 сатып алу үшін 24 жұмыс күні (шамамен 1 ай) жеткілікті.
Кімдерге қолжетімді?
-
Қаржы және сақтандыру саласы: 11 күнде алады.
-
Мұнай-газ саласы: 12 күн.
-
Ақпарат және IT: 13 күн.
-
Мәдениет қызметкерлері: 35 күн.
-
Ауыл шаруашылығы мен коммуналдық қызмет: 34 күн.
Аймақтар бойынша
-
Маңғыстау облысы — 17 күн.
-
Атырау облысы — 18 күн.
-
Астана — 18 күн.
-
Солтүстік Қазақстан облысы — 32 күн.
-
Оңтүстік өңірлер — 30-31 күн.
Шынайы жағдай
Статистикадағы орташа айлықты көп қазақстандық алмайды.
-
Модальды жалақы (ең жиі кездесетін): 97,6 мың теңге.
Осы табыс деңгейіндегі жұмысшыға iPhone 17 алу үшін кемінде 5 айлық жалақы жинақтау керек. -
Минималдық жалақы алатындар үшін бұл мерзім жарты жылға созылады.
todayinfo.kz
