Президенттің «Таза Қазақстан» бастамасы аясында елімізде экология саласындағы компанияларға қойылатын талаптар өзгеруде деп жазады Democrat.kz. UKIMET-ке сілтема жасап.
Енді қалдықтарды өңдеудің барлық үдерістері ашық болады, ал жауапкершілік жеке болады. Бұл туралы Үкімет отырысында 2026-2030 жылдарға арналған қалдықтардың барлық түрлерін басқарудың жаңа тұжырымдамасын талқылау барысында Ecojer қауымдастығының бас директоры Рүстем Қабжанов мәлімдеді.
Оның айтуынша, бірыңғай цифрлық есеп енгізілуде. Компаниялар қалдықтың түзілуінен бастап қайта өңдеуге дейінгі әр кезеңде есеп беруге міндетті болады.
Бұдан бөлек, қайта өңдеу инфрақұрылымын дамыту полигондарға жүктемені айтарлықтай азайтуға мүмкіндік береді және айналмалы экономикаға көшуді қамтамасыз етеді. Қайталама материалдарға стандарттарды енгізу және сұрыптау нысандарын кеңейту, әсіресе өңірлерде, бизнес үшін экономикалық жағынан тартымды болатын тұрақты қайта өңдеу нарығын қалыптастыру үшін жағдай жасайды.
Рүстем Қабжанов сұрыптау инфрақұрылымын дамыту және қайта өңдеуге арналған стандарттарды енгізу қайта өңдеуді бизнес үшін экономикалық тұрғыдан тиімді етуге арналғанын атап өтті. Жаңа ережелерді бекіту үшін жеке салалық заң қабылдау және тарифтік тетіктерді жаңарту жоспарлануда.
«Тұжырымдаманы жүзеге асыру қалдықтарды көму көлемін едәуір қысқартуға, қайта өңдеу үлесін ұлғайтуға және экономикаға қайталама ресурстарды тартуға мүмкіндік береді. Қазақстанның циркулярлық экономика моделіне көшуі экологиялық жағдайды жақсарту үшін қолайлы жағдайлар жасайды және бизнес үшін жаңа мүмкіндіктер ашады»,
— деп түйіндеді Рүстем Қабжанов.
