Facebook әлеуметтік желісінде блогер Жасұлан Жақыпов "Qazbilim" мектеп-лицейлерінің кей мұғалімдерінің жалақысы кешігіп, ала алмай отырғаны туралы жазба жариялады деп хабарлайды Democrat.kz.
"Аятжан Ахметжанұлы — ұлтшыл ұстаз, химик, блогер. Қытайдан келген қандасымыз, сөзі мен білімі мықты азамат ретінде елге танылды. Бірақ…
Соңғы кезде ұстаздардың ішкі көңіл күйіне әсер етіп жүрген жағдайларға куә болдық. Қазбілім орталығы жеке лицейінде қызмет ететін, білім нәрін сусындатып жүрген мұғалімдердің жалақысы кешігіп жатқанын, еңбегі еленбей жүргенін көру — ойландыратын дүние.
“Білім сапасы — ұстаздың жағдайына тікелей байланысты” деген сөз бекер емес. Ұстаз көңілсіз болса, оқушыға қалай мотивация бере алады? Ұстаздың еңбегі әділ бағаланбаса, болашаққа неге үміт артамыз?
Иә, кешігулер, техникалық қиындықтар болуы мүмкін. Бірақ ол жүйелі сипат алып, сенімге селкеу түсірсе — бұл ұстазға ғана емес, бүкіл қоғамға кері әсер етеді. Өйткені бүгінгі мұғалім — ертеңгі елдің сәулетшісі.
Сондықтан, біз енді тек “әдемі сөйлегенге” ере бермей, “нақты іске” қарап баға беретін уақытқа келдік. Әйтпесе қоғамда халықты өз сөзімен елітіп, ал ісімен кері әсер етіп жатқан тұлғалар аз емес.
Жүйе де, тұлға да ұстаз алдындағы әділетті ұмытпасын. Мына скриндегі Ұстаздың жанайқайын оқып, мына жағдай шын болса өте ұят болған екен. Бұл істері жарамады" деп жазды Жасұлан Жақыпов.
Блогердің бұл жазбасына қатысты пікір жазған Бақыт Болат есімді желі қолданушы:
