Белсенді ұстаз Айман Сағидулла Оқу ағарту министрлігі жанынан құрылған Қоғамдық кеңестің кезекті жиынында ҚМЖ мәселесін көтеріп, өзіне министрлік өкілінің қисынға сыймайтын сөз айтқанын, мұнымен келіспейтінін мәлімдеді деп жазады Democrat.kz.
"Айман ханым! Сіздің ең бірінші жұмысыңыз педагогтық қой. Ананы да істемеймін дейсіз. Мынаны да істемеймін дейсіз. Егер бұл мамандық ұнамаса неге мұғалім боласыз? "-деді Оқу- Ағарту министрлігінің өкілі Зейнеп Махсутова.
Жұлдыз Досбергенқызы Сүлейменова ханым! Бұл сөзді айтқан ұсыныстарым үшін естідім.
"ҚМЖ керек емес. Алып тастау керек немесе орталықтан дайындап берілуі керек. Біз ҚМЖ жазған уақытымызды слайд, интерактивті ойындар, оқушыларға тарататын материалдар, басқа да көрнекі құралдар жасауға жіберейік,
Әрі кетсе 14 жылдан соң зейнетке шығамын. 25 жыл уақытым ҚМЖ жазумен өтті. Болашақ жастардың біз сияқты керек емес құжатты жазғанын, қиналғанын қаламаймын. 197 -бұйрықты алып тастау керек, "-дедім.
Сол үшін жұмыс істегісі келмейтін адам болып қалдым. Менің жұмысыма күмән келтірді. Бұл "Педагог мәртебесі" заңын бұзу болып табылады.
Ал, Шынар Қуанышқызы болса:"Тек 3 мұғалім ғана сөйлейді жиында, ешкімге сөз бермейсіңдер,"-деді.
Шындығында 3 мұғалім ғана сөйлейді.
Басқалар сөйлемесе біз не істейміз?
Әңгіменің қысқасы, бұйрықтарға қарағанда Айманның мәселесі маңызды екен бұларға. Бұйрықтарды емес, мені талқылады бүгін.
Жұлдыз ханым!
Неге вице министрге және министрлік өкілі Зейнеп ханымға біздің талқылағанымыз қиындық әкеліп жатыр?
Осы кезге дейін айтқан бір ұсынысымыз қолдау таппады. Ендеше бізді жұмыс тобынан шығарып тастаңыздар. Босқа талқылап отырмыз ба жанымызды қинап?
Біздің мұғалім болатын болмайтынымызды Зейнеп ханым шеше ме?
"Неге мұғалім болдың бұл мамандық ұнамаса?"-дейтіндей ол кім?
Жауап берсін!
Жұлдыз ханым! Осы әдеп нормасына жата ма?
ҚМЖ мәселесі шешілмейтін сияқты. Ойлану керек бұл мәселені", деп жазды Айман Сағидулла өзінің парақшасында.
Белсенді ұстаздың бұл жазбасына қатысты әріптестері төмендегідей пікірлер жазуда:
"Түкке қажеті жоқ ҚМЖ!!!
Қиналған Мұғалім Жыласын-деген аббревиатура сияқты!!!"
"Қмжны тағы қиындатып, әр жылы әртүрлі бұйрықпен деп миды ашытып жіберді. Пдфта, доступ бер т.б. Шаршатып жібереді. Сол уақытта көрнекілік дайындап, ізденетін едік"
"Масқара, осындай да сұрақ бола ма? Өз балаңа ұрыссаң, біреу кеп неге тудың десе жақсы ма?!! Не сұрақ мынау, ужасс"
"Ол кісінің олай деуге хақысы жоқ! Сонда, үндемей, басын изей беретіндер мұғалім болу керек па!"
"Айман ханымдікі дұрыс! Министрлік өкілі бәрін өзі шеше ма? Министр Жұлдыз Досбергенқызы өзі жұмыс тобына қосты емес пе? Неге сөйлетпейді?"
"Қмж керек емес құжат. Айман ханымды қолдаймын. Министрлік өкілі бір апта сабақ беріп,қмж жазса түсінетін шығар".
"Министрлікте отырған өңшең қағазбасты бюрократтарға сіздің ойыңыз, ұсынысыңыз сағым сияқты болып тұрғаны ғой. "Таң атайын демейді,күн қоймайды"-дегендей,түбі сол ҚМЖ-ның өзгермесе болмайтынын бүкіл мұғалімдер қауымы біліп отыр".
"Сол қмж жазбастан басшылар сабақ алып сабақ беріп отыр емес пе? Қмж жазып күн - түн ізденген мұғалім де бір ,басшылар менен қолдаушылары да солай жүр.Қмж жазбай-ақ ,сабақ өтпей ақ солар барлық марапатқа лайық болып отыр".
