Белсенді педагог Айман Сағидулла білім саласындағы "ҚМЖ" мәселесі туралы ой қозғап, дәл осы құжаттың түкке қажетсіздігін айтып, алып тастауды талап етті деп жазады Democrat.kz.
"Мен жұмыс тобының мүшесімін.
Қмж туралы мәселе көтердім жиында.
"Орталықтан қмж дайындап, күнделікке жүктеп беріңіздер. Мұғалімдер сол қмж -ны пайдалансын,"- дедім.
Ешкім тыңдамады.
"Қмж-ны қысқа ,1 бет қана жазайық,"- дедім.
2 күн талдадық. Қысқаратын түрі жоқ.
Тіптен, Алтынсарин академиясының бір маманы неше түрін қосқысы келіп жатыр.
Әріптестер!
"ҚМЖ"ны алып тастауын сұрайық ендеше.
Қмж оқушыға да мұғалімге де керек емес құжат.
Уақытты ғана алады.
Қай маман иесі істегелі жатқан жұмысын қағазға жазады? Біз ғана жазып отырған.
Мұғалімге көрнекі құрал ғана керек.
Түзеу қолдарынан келмесе, көзін жойсын!
Әріптестер! Мені қолдауларыңызды сұраймын!
Жұлдыз Досбергенқызы Сүлейменова ханым,
Мен ертең қмж туралы бүкіл дүниені ашып жазамын. Бұйырса.
Бұл құжатты алып тастау керек!" Деген Айман Сағидулла әріптестеріне сауал тастады.
Белсенді педагогтың бұл ұсыныс, талабына қатысты жүздеген әріптесі "өте дұрыс, түкке қажеті жоқ, босқа уақыт алатын "қмж" алынып тасталсын!"дегенге саятын пікірін білдіруде.
